News

“ဒေါ်အောင်ဆန်းစုကြည်အပေါ် ထောင်ဒဏ်ချမှတ်မှု ကုလနဲ့ EU ရှုတ်ချ”

“ဒေါ်အောင်ဆန်းစုကြည်အပေါ် ထောင်ဒဏ်ချမှတ်မှု ကုလနဲ့ EU ရှုတ်ချ”

ဒေါ်အောင်ဆန်းစုကြည်ကို စစ်ကောင်စီတရားရုံးကနေ မနေ့ ဗုဒ္ဓဟူးနေ့က ထောင်ဒဏ် ၅ နှစ် ထပ်မံ ချမှတ်လိုက်တာနဲ့ ပတ်သက်ပြီး ကုလသမဂ္ဂအဖွဲ့ကြီးနဲ့ နိုင်ငံတကာ အဖွဲ့အစည်းတွေက ပြင်းပြင်းထန်ထန် ရှုတ်ချကြပါတယ်။ ဒါနဲ့ပတ်သက်ပြီး ကိုခင်မောင်စိုးမင်းက စုစည်းတင်ပြပါမယ်။

ဒေါ်အောင်ဆန်းစုကြည်ကို စစ်ကောင်စီတရားရုံးကနေ အဲဒီလို ပြစ်ဒဏ်ချမှတ်လိုက်တဲ့အပေါ်မှာ ကုလသမဂ္ဂကလည်း ပြင်းပြင်းထန်ထန် ရှုတ်ချလိုက်ပါတယ်။ ဒါနဲ့ ပတ်သက်ပြီး ကုလသမဂ္ဂ အတွင်းရေးမှူးချုပ် António Guterres ရဲ့ ဒုတိယ ပြောရေးဆိုခွင့်ရှိသူ Farhan Haq က သတင်းစာရှင်းလင်းပွဲမှာ အခုလိုပြောပါတယ်။

” မြန်မာစစ်တပ်က မနှစ် ဖေဖော်ဝါရီလဆန်းက အာဏာ သိမ်းယူခဲ့တဲ့အပေါ်မှာ ကုလသမဂ္ဂ အထွေထွေအတွင်းရေး မှူးချုပ် ကနေ ရှုတ်ချတဲ့အကြောင်း ထပ်လောင်ပြောကြားခဲ့ပြီး လူ့အခွင့်အရေးကို လေးစွားလိုက်နာပြီး ဖိနှိပ်အကြမ်း ဖက်မှုတွေကို ချက်ချင်းရပ်ဆိုင်းဖို့ တိုက်တွန်းလိုက်ပါတယ်။ ဒါအပြင် နိုင်ငံရေး အကျဉ်းသားတွေကို ချက်ခြင်းလွှတ်ပေးဖို့လည်း တောင်းဆိုလိုက်ပါတယ်။ ”

အပြည်ပြည်ဆိုင်ရာ လူ့အခွင့်အရေးကြေညာစာတမ်းတွင် တရားဥပဒေအရ အပြစ်ရှိကြောင်း မဆုံးဖြတ်ခင် တန်းတူညီမျှပြီး အပြစ်ကင်းစင်သည်ဟု ယူဆကာ လွတ်လပ်တဲ့ ခုံရုံး စစ်ဆေးချက်တွေကို လူအများ ကြားနာခွင့်ရှိပါတယ်။ ဒါအပြင် လွတ်လပ်မှုရှိတဲ့ တရားရုံးတွေမှာလည်း လူတယောက်ရဲ့ခုခံကာကွယ်ခွင့် အားလုံးကို အာမခံချက်ပေးရပါမယ်။

ဒေါ်အောင်ဆန်းစုကြည် ကို မြန်မာစစ်ကောင်စီက အဲဒီလို ထောင်ဒဏ် ၅ နှစ် ချမှတ်လိုက်တဲ့အပေါ် ဥရောပ သမဂ္ဂ EU ကလည်း မနေ့ ဗုဒ္ဓဟူးနေ့က ပြစ်တင်ရှုတ်ချလိုက်က်ပါတယ်။ ဒါဟာ တရားဥပဒေ စိုးမိုးရေးကို ချိုးဖောက်လိုက်တဲ့ နောက်ထပ် အဓိက ခြေလှမ်းဖြစ်ပြီး စစ်တပ် အာဏာသိမ်းပြီးနောက် ဒီမိုကရေစီအတွက် ဆုတ်ယုတ်မှုဖြစ်တယ်လို့ ဥရောပသမဂ္ဂ ပြောရေးဆိုခွင့်ရှိသူ က ကြေညာချက်ထုတ်ပြောဆိုလိုက်ပါတယ်။

ဒါ့အပြင် ASEAN အရှေ့တောင် အာရှနိုင်ငံများအဖွဲ့က ချ မှတ်ထားတဲ့ မူ ၅ ချက်ထဲမှာ ပါဝင်တဲ့ ဆွေးနွေးပွဲတွေကနေ ဒေါ်အောင်ဆန်းစုကြည် အပါအဝင် ရွေးကောက်ခံ လွှတ် တော်ကိုယ်စားလှယ်တွေကို ဖယ်ရှားဖို့ ကြိုးစားမှုတခုလည်းဖြစ်တယ်လို့ ပြောပါတယ်။

စစ်အာဏာသိမ်းပြီးနောက်ပိုင်း ဖမ်းဆီးထားတဲ့ နိုင်ငံရေး အကျဉ်းသား အားလုံးကို ခြွင်းချက်မရှိ ချက်ချင်းလွှတ်ပေးဖို့လည်း ထပ်လောင်း တောင်းဆိုလိုက်ပါတယ်လို့ ပြောပါတယ်။ နိုင်ငံ ၂၇ နိုင်ငံ နဲ့ ဖွဲ့စည်းထားတဲ့ ဥရောပ သမဂ္ဂအဖွဲ့ EU အဖွဲ့ကြီးအနေနဲ့ မြန်မာစစ်အစိုးရကို စစ်အာဏာသိမ်းပြီးကတည်းက ပိတ်ဆို့ ဒဏ်ခတ်မှုတွေ ပြုလုပ်ထားပါတယ်။

အလားတူ မြန်မာနိုင်ငံ ဒီမိုကရေစီရရှိရေး ဆောင်ရွက်နေတဲ့ Burma Campaign UK အဖွဲ့ကလည်း ဒေါ်အောင်ဆန်းစုကြည်ကို မနေ့ ဗုဒ္ဓဟူးနေ့က ထောင်ဒဏ်ချမှတ် လိုက်တဲ့အပေါ်မှာ ပြင်းပြင်းထန်ထန် ရှုတ်ချလိုက်ပါတယ်။ ဒါနဲ့ပတ်သက်ပြီး Burma Campaign UK အဖွဲ့ က မဝေနှင်းပွင့်သုန် က အခုလို ပြောပါတယ်။

“လူတွေကို ဖမ်းတာက ကြောက်စရာ မဟုတ်ဘူး၊ လူထုကို ပိုပြီး ဒေါသ ထွက်စေတယ်။ ဘာဖြစ်လို့လဲ ဆိုတော့ လူတိုင်းက ငါတို့ဟာ တခြား စစ်အာဏာရှင် စနစ်အောက်မှာ နေလို့မရဘူး၊ ဒီလို ဥပဒေမဲ့ ဖမ်းဆီးမှုတွေ ဆက်ပြီး မနေနိုင်တော့လို့ လုံးလုံးလျားလျား လုပ်နေတယ်။ တပ်မတော်ရဲ့မျှော်လင့်ချက်နဲ့ ဆန့်ကျင်ဘက်ပါ။”

ဒေါ်အောင်ဆန်းစုကြည်အပေါ် မနေ့ ဗုဒ္ဓဟူးနေ့က ပြစ်ဒဏ်ချမှတ်တဲ့ အမှုကတော့ ရန်ကုန်တိုင်းဝန်ကြီးချုပ် ဦးဖြိုးမင်းသိန်းဆီ ကနေ အမေရိကန် ဒေါ်လာ ၆ သိန်းနဲ့ ရွှေ ၇ ပိဿာကို ၃ ခါ ခွဲယူခဲ့တယ်လို့ စွပ်စွဲထားတဲ့အမှု ဖြစ်ပါတယ်။ စစ်ကောင်စီဟာ ဒေါ်အောင်ဆန်းစုကြည်ကို ဒီအမှုအပါအဝင် အဂတိအမှုပေါင်း ၁၀ မှုကျော်နဲ့ တရားစွဲဆိုခဲ့ပါတယ်။

ဒါအပြင် နိုင်ငံတော်လျှို့ဝှက် အက်ဥပဒေချိုးဖောက်မှု၊ သဘာဝကပ်ဘေးဥပဒေ ချိုးဖောက်မှု၊ ရွေးကောက်ပွဲဥပဒေချိုးဖောက်မှု အပါအဝင် ပုဒ်မအများအပြားနဲ့ တရားစွဲဆိုခံထားရပါတယ်။