Local News

မူဆယ်ပြည်ထောင်စုုလမ်းမကြီးဘေးမှာ ကိုယ်တော်တို့ ကားပျက်တယ်ဆိုလို့ ကူညီဖို့သွားလိုက်သောအခါ

မူဆယ္ျပည္ေထာင္စုလမ္းမႀကီးေဘးမွာ ကိုယ္ေတာ္တို႔ ကားပ်က္တယ္ဆိုလို႔ ကူညီဖို႔သြားလိုက္ေသာအခါ

ေက်ာက္မဲ-ေနာင္ခ်ိဳၾကားေက်ာက္မဲ-သီေပါၾကားနဲ႔သီေပါ-လားရွိုးၾကားကမႏၲေလး-မူဆယ္ျပည္ေထာင္စုလမ္းမႀကီးေဘးမွာ ကားေဘာနပ္ဖုံးဖြင့္ၿပီးျဖတ္သန္းသြားလာေနၾကတဲ့ ကားႀကီးကားငယ္ကအစဆိုင္ကယ္ပါမက်န္တားၿပီးေတာ့ အလႉခံေနတဲ့အဖြဲ႕ျဖစ္ပါတယ္။

အမွန္တကယ္ခရီးသြားလာရင္းကားပ်က္လို႔အခက္အခဲ ျဖစ္ေနတဲ့ရဟန္းေတြမဟုတ္ဘဲ တစ္ရက္ကိုတစ္ေနရာေရြ႕ အလႉခံေနၾကတဲ့အဖြဲ႕ျဖစ္ပါတယ္။ေဒသတြင္းက ရဟန္းေတြမဟုတ္ပါဘူး။ ကားေဘာနပ္ဖုံးဖြင့္ထားၿပီး ကားကိုလက္ညိဳးထိုးျပကာ ဆီပ်က္တယ္ အင္ဂ်င္ပ်က္သြားတယ္ စသည္ျဖင့္အေၾကာင္းျပၿပီးအလႉခံပါတယ္။

ကားဆရာေတြကဆီထည့္ေပးမယ္ဆိုရင္လည္း ဆီမယူ ပိုက္ဆံဘဲ အလႉခံပါတယ္။ ကဲဟုတ္ၿပီ အင္ဂ်င္ဘာျဖစ္သြားတာလဲတပည့္ေတာ္စမ္းသပ္ႏွိုးၾကည့္ၿပီးျပင္ေပးမယ္ဆိုလည္း လက္မခံပါ။ဒီလိုျဖစ္စဥ္မ်ိဳးေတြက အခုရက္ပိုင္းမွာ ျပန္ေတြ႕ေနရတာပါ။

ပထမရက္ကေနာင္ပိန္ရင္ကြဲေတာင္’မေန႔ကစဉ့္အင္နဲ႔စံေလာင္းၾကား ကၽြန္းေတာေနရာေတြမွာ ေတြ႕ခဲ့ရတာပါ။ ၿမိဳ႕ေတြရြာေတြနဲ႔ နည္းနည္းလွမ္းတဲ့ေနရာေတြမွာ လႈပ္ရွားပါတယ္။ ၾကဳံခဲ့ရသူေတြသိမွာပါ။P o s t တင္သူ ခင္ဗ်ားမလႉရင္ေနေပါ့။ တျခားသူေတြလႉ ေနၾကတာေျပာစရာလားလို႔ေမးစရာရွိပါတယ္။

ေျပာစရာရွိပါတယ္။ က်ေနာ္တို႔လူမ်ိဳးေတြက ရဟန္းသံဃာဆိုတာနဲ႔ ၾကည္ညိဳၿပီးသား။ ကူညီၾက လႉၾကတန္းၾက။အခုလိုမ်ိဳး လက္တဆုပ္စာကိုယ္ေတာ္ေတြက သာသနာကိုခုတုံးလုပ္ လိမ္လည္အလႉခံေနသည့္ကိစၥသည္ မသင့္ေတာ္သည့္ လုပ္ရပ္ျဖစ္ပါသည္။

အမ်ားျပည္သူသြားလာေနသည့္ လမ္းမႀကီးေပၚျပဳမူေနျခင္းက ယာဥ္မ်ားသြားလာေနမႈကိုလည္း အေႏွာက္အယွက္ျဖစ္ေစပါတယ္။သို႔ျဖစ္ပါ၍ ေဒသတြင္းရွိ သက္ဆိုင္ရာသာသနာေရးအဖြဲ႕မ်ားက၎’ဆရာေတာ္သံဃာေတာ္မ်ားက၎’ အဆိုပါမသင့္ေတာ္သည့္ လုပ္ရပ္မ်ားအား လိုအပ္သလို ရွင္းလင္းေဆာင္ရြက္ေပးနိုင္ပါရန္ အသိေပးေဖာ္ျပလိုက္ရပါတယ္။

မိမိတို႔ယာဥ္ေမာင္းမ်ားအေနျဖင့္ လမ္းေပၚကနည္းလမ္းအမ်ိဳးမ်ိဳးျဖင့္ လိမ္စားေနသည့္ ျဖစ္ရပ္မ်ားကို ေရွာင္ရွားနိုင္ၾကပါေစ။

အမွန္တကယ္ အကူအညီလိုသူမ်ားကိုလည္း ခ်င့္ခ်ိန္ေတြးဆ ကူညီနိုင္ၾကပါေစ။

Konaykonay

မူဆယ်ပြည်ထောင်စုလမ်းမကြီးဘေးမှာ ကိုယ်တော်တို့ ကားပျက်တယ်ဆိုလို့ ကူညီဖို့သွားလိုက်သောအခါ

ကျောက်မဲ-နောင်ချိုကြားကျောက်မဲ-သီပေါကြားနဲ့သီပေါ-လားရှိုးကြားကမန္တလေး-မူဆယ်ပြည်ထောင်စုလမ်းမကြီးဘေးမှာ ကားဘောနပ်ဖုံးဖွင့်ပြီးဖြတ်သန်းသွားလာနေကြတဲ့ ကားကြီးကားငယ်ကအစဆိုင်ကယ်ပါမကျန်တားပြီးတော့ အလှူခံနေတဲ့အဖွဲ့ဖြစ်ပါတယ်။

အမှန်တကယ်ခရီးသွားလာရင်းကားပျက်လို့အခက်အခဲ ဖြစ်နေတဲ့ရဟန်းတွေမဟုတ်ဘဲ တစ်ရက်ကိုတစ်နေရာရွေ့ အလှူခံနေကြတဲ့အဖွဲ့ဖြစ်ပါတယ်။ဒေသတွင်းက ရဟန်းတွေမဟုတ်ပါဘူး။ ကားဘောနပ်ဖုံးဖွင့်ထားပြီး ကားကိုလက်ညိုးထိုးပြကာ ဆီပျက်တယ် အင်ဂျင်ပျက်သွားတယ် စသည်ဖြင့်အကြောင်းပြပြီးအလှူခံပါတယ်။

ကားဆရာတွေကဆီထည့်ပေးမယ်ဆိုရင်လည်း ဆီမယူ ပိုက်ဆံဘဲ အလှူခံပါတယ်။ ကဲဟုတ်ပြီ အင်ဂျင်ဘာဖြစ်သွားတာလဲတပည့်တော်စမ်းသပ်နှိုးကြည့်ပြီးပြင်ပေးမယ်ဆိုလည်း လက်မခံပါ။ဒီလိုဖြစ်စဉ်မျိုးတွေက အခုရက်ပိုင်းမှာ ပြန်တွေ့နေရတာပါ။

ပထမရက်ကနောင်ပိန်ရင်ကွဲတောင်’မနေ့ကစဉ့်အင်နဲ့စံလောင်းကြား ကျွန်းတောနေရာတွေမှာ တွေ့ခဲ့ရတာပါ။ မြို့တွေရွာတွေနဲ့ နည်းနည်းလှမ်းတဲ့နေရာတွေမှာ လှုပ်ရှားပါတယ်။ ကြုံခဲ့ရသူတွေသိမှာပါ။P o s t တင်သူ ခင်ဗျားမလှူရင်နေပေါ့။ တခြားသူတွေလှူ နေကြတာပြောစရာလားလို့မေးစရာရှိပါတယ်။

ပြောစရာရှိပါတယ်။ ကျနော်တို့လူမျိုးတွေက ရဟန်းသံဃာဆိုတာနဲ့ ကြည်ညိုပြီးသား။ ကူညီကြ လှူကြတန်းကြ။အခုလိုမျိုး လက်တဆုပ်စာကိုယ်တော်တွေက သာသနာကိုခုတုံးလုပ် လိမ်လည်အလှူခံနေသည့်ကိစ္စသည် မသင့်တော်သည့် လုပ်ရပ်ဖြစ်ပါသည်။

အများပြည်သူသွားလာနေသည့် လမ်းမကြီးပေါ်ပြုမူနေခြင်းက ယာဉ်များသွားလာနေမှုကိုလည်း အနှောက်အယှက်ဖြစ်စေပါတယ်။သို့ဖြစ်ပါ၍ ဒေသတွင်းရှိ သက်ဆိုင်ရာသာသနာရေးအဖွဲ့များက၎င်း’ဆရာတော်သံဃာတော်များက၎င်း’ အဆိုပါမသင့်တော်သည့် လုပ်ရပ်များအား လိုအပ်သလို ရှင်းလင်းဆောင်ရွက်ပေးနိုင်ပါရန် အသိပေးဖော်ပြလိုက်ရပါတယ်။

မိမိတို့ယာဉ်မောင်းများအနေဖြင့် လမ်းပေါ်ကနည်းလမ်းအမျိုးမျိုးဖြင့် လိမ်စားနေသည့် ဖြစ်ရပ်များကို ရှောင်ရှားနိုင်ကြပါစေ။

အမှန်တကယ် အကူအညီလိုသူများကိုလည်း ချင့်ချိန်တွေးဆ ကူညီနိုင်ကြပါစေ။

Konaykonay